Welcome to ТГАУ   Click to listen highlighted text! Welcome to ТГАУ Powered By GSpeech

O'zbekiston yangiliklari

O‘zbekiston Respublikasi Prezidentining farmoni

“O‘zbekiston Respublikasi Qurolli Kuchlariga 25-yil” esdalik nishonini ta’sis etish to‘g‘risida O‘zbekiston Respublikasi Prezidentining farmoni O‘zbekiston Respublikasi Qurolli Kuchlarining 25-yilligini nishonlash hamda davlatimizning mudofaa qobiliyatini mustahkamlash va Qurolli Kuchlarni barpo etishga salmoqli hissa qo‘shgan harbiy xizmatchilarni, Qurolli Kuchlar faxriylarini va xizmatchilarini qo‘llab-kuvvatlash maqsadida: 1. “O‘zbekiston Respublikasi Qurolli Kuchlariga 25-yil” esdalik nishoni ta’sis etilsin. 2. “O‘zbekiston Respublikasi Qurolli Kuchlariga 25-yil” esdalik nishonining Nizomi va tavsifi 1, 2-ilovalarga muvofiq tasdiqlansin. 3. O‘zbekiston Respublikasi Vazirlar Mahkamasi “O‘zbekiston Respublikasi Qurolli Kuchlariga 25-yil” esdalik nishonlari va ularning guvohnomalari bir oy muddatda belgilangan tartibda tayyorlanishini ta’minlasin. 4. Mazkur Farmonning ijrosini nazorat qilish O‘zbekiston Respublikasi Prezidenti huzuridagi Xavfsizlik kengashi kotibi V.Maxmudov zimmasiga yuklansin. O‘zbekiston Respublikasi Prezidenti vazifasini bajaruvchi                                                     Sh.Mirziyoyev Toshkent shahri, 2016-yil 28-noyabr * * * O‘zbekiston Respublikasi Prezidentining 2016-yil 28-noyabr PF-4859-sonli Farmoniga 1-ilova   “O‘zbekiston Respublikasi Qurolli Kuchlariga 25-yil” esdalik nishoni to‘g‘risidagi NIZOM  1. “O‘zbekiston Respublikasi Qurolli Kuchlariga 25-yil” esdalik nishoni bilan davlatimiz mudofaa qudratini mustahkamlash va Qurolli Kuchlarni barpo etishga salmoqli hissa qo‘shgan shaxslar, yuqori professional mahorati, harbiy va vatanparvarlik burchiga sadoqatini namoyon etgan harbiy xizmatchilar, jumladan, O‘zbekiston Respublikasi mustaqilligi va hududiy yaxlitligini himoya qilish bo‘yicha jangovar harakatlarda ishtirok etgan, zaxiraga bo‘shatilgan yoki iste’foga chiqarilgan harbiy xizmatchilar, shuningdek, harbiy hamda xizmat burchini bajarishda halok bo‘lgan yoxud yarador bo‘lgan va shikastlangan O‘zbekiston Respublikasi Qurolli Kuchlarining harbiy xizmatchilari taqdirlanadilar. 2. “O‘zbekiston Respublikasi Qurolli Kuchlariga 25-yil” esdalik nishoni O‘zbekiston Respublikasi Prezidenti – O‘zbekiston Respublikasi Qurolli Kuchlari Oliy Bosh Qo‘mondoni nomidan qo‘shilma komandiri va undan yuqori lavozimdagi shaxslar tomonidan tantanali vaziyatda topshiriladi. Mukofotlanganlarga esdalik nishoni bilan birga belgilangan shakldagi guvohnoma beriladi. 3. “O‘zbekiston Respublikasi Qurolli Kuchlariga 25-yil” esdalik nishoni mukofotlanganlarga kuch ishlatuvchi tuzilmalar vazirlik va idoralari rahbarlarining buyruqlariga asosan topshiriladi. 4. “O‘zbekiston Respublikasi Qurolli Kuchlariga 25-yil” esdalik nishoni ko‘krakning chap tomoniga davlat mukofotlaridan keyin taqiladi. * * *   O‘zbekiston Respublikasi Prezidentining 2016-yil 28-noyabr PF-4859-sonli Farmoniga 2-ilova   “O‘zbekiston Respublikasi Qurolli Kuchlariga 25-yil” esdalik nishoni TAVSIFI “O‘zbekiston Respublikasi Qurolli Kuchlariga 25-yil” esdalik nishoni 0,25 mikron qalinlikdagi oltin bilan qoplangan mis qotishmasidan tayyorlanadi va diametri 34 millimetrli doira shaklida bo‘ladi. Esdalik nishonining old tomoni markazida taralayotgan quyosh nurlari fonida Amir Temur haykali tasvirlangan. Uning orqa tomonida Shahrisabz shahrida joylashgan qadimgi Oqsaroy majmuasi peshtoqi aks ettirilgan. Esdalik nishonining yuzasida tasvirlangan haykalning o‘ng va chap tomonida O‘zbekiston Respublikasi Qurolli Kuchlari tashkil etilgan yil va yubiley yili 1992 – 2017 raqamlari aks ettirilgan. Esdalik nishonining aylanasi bo‘ylab “O‘ZBEKISTON RESPUBLIKASI QUROLLI KUCHLARIGA” so‘zlari, pastki qismi markazida esa ikkita sakkiz qirrali yulduz oralig‘ida «25-YIL» yozuvi aks etgan. Esdalik nishonining orqa tomonida O‘zbekiston Respublikasining Davlat gerbi, pastki qismining markazida “2017” yozuvi tasvirlangan. Tasvirlar va yozuvlar qabariqdir. Esdalik nishonining old va orqa tomonlarining chetlari qabariq doira bilan o‘ralgan. Esdalik nishoni O‘zbekiston Respublikasi Davlat bayrog‘ining rangidagi yo‘llari bo‘lgan 24 millimetrli shoyi lenta bilan sirilgan besh qirrali qadag‘ichga ilmoqcha yordamida ulanadi. Ko‘k, oq va yashil yo‘llarning eni 7 millimetrdan, qizil yo‘lning eni esa 1,5 millimetrdir. Qadag‘ichning balandligi 48, eni 45 millimetr. To‘g‘nag‘ichga...
Batafsil →

Yilning eng faol yosh jurnalistlari aniqlandi

Poytaxtimizdagi Yoshlar ijod saroyida “Yilning eng faol yosh jurnalisti” ko‘rik-tanlovi g‘oliblarini taqdirlash marosimiga bag‘ishlangan tadbir bo‘lib o‘tdi. “Kamolot” yoshlar ijtimoiy harakati, O‘zbekiston Milliy axborot agentligi, O‘zbekiston Milliy teleradiokompaniyasi, O‘zbekiston jurnalistlari ijodiy uyushmasi, O‘zbekiston mustaqil bosma ommaviy axborot vositalari va axborot agentliklarini qo‘llab-quvvatlash va rivojlantirish jamoat fondi hamkorligida tashkil etilgan tadbirda mamlakatimizda ommaviy axborot vositalarini rivojlantirish, soha xodimlarini qo‘llab-quvvatlash, ularning mehnatini rag‘batlantirish va yosh jurnalist kadrlarni tayyorlashga qaratilayotgan alohida e’tibor yuksak samaralar berayotgani ta’kidlandi. Joriy yilda tanlovga 30 yoshgacha bo‘lgan 500 nafardan ortiq jurnalist matbuot, radio, televideniye, internet va fotojurnalistika yo‘nalishlarida 4 mingga yaqin ijodiy ishini taqdim etdi. Ijodiy ishlar mavzuning dolzarbligi, yoritish mahorati, mamlakatimizda amalga oshirilayotgan yoshlarga oid davlat siyosatining mazmun-mohiyatini ochib berish kabi mezonlar asosida baholandi. Har bir nominatsiya bo‘yicha uchtadan g‘olib – eng namunali maqola, radioeshittirish, teleko‘rsatuv, fotosurat va internet materiallari mualliflarining nomi e’lon qilindi. Bundan tashqari, «Yil yangiligi», «Yilning eng faol yosh telemuxbiri», «Yilning eng faol matbuot xizmati xodimi», «Yilning eng yaxshi bloggeri» kabi nominatsiyalar bo‘yicha ham g‘oliblar aniqlandi. – G‘olib bo‘lganimdan g‘oyat xursandman, – deydi televideniye yo‘nalishi bo‘yicha birinchi o‘rin sohibi S.Siddiqova. – Mamlakatimizda ommaviy axborot vositalarini rivojlantirish, ayniqsa, biz kabi yosh jurnalistlarga qaratilayotgan doimiy e’tibor va g‘amxo‘rlik kuchimizga kuch qo‘shib, yangi ijodiy marralar sari undaydi. “Yilning eng faol yosh jurnalisti” ko‘rik-tanlovi g‘oliblari tashkilotchilarning diplom va qimmatbaho sovg‘alari bilan taqdirlandi.  manba: uza.uz Abubakir O‘rozov, Otabek Mirsoatov (surat),...
Batafsil →

«Press klub: Saylov.uz – 2016» ochildi

Poytaxtimizdagi «International Hotel Tashkent» mehmonxonasida 30-noyabr kuni O‘zbekiston Respublikasi Prezidenti saylovini yoritish bo‘yicha «Press klub: Saylov.uz – 2016» press-klubining ochilish marosimi bo‘lib o‘tdi. Unda parlament a’zolari, vazirlik va idoralar, xalqaro va jamoat tashkilotlari vakillari, saylovni kuzatish uchun mamlakatimizga kelgan xalqaro kuzatuvchilar, yetakchi ekspertlar, mahalliy va xorijiy jurnalistlar ishtirok etdi. O‘zbekiston Respublikasi Markaziy saylov komissiyasi raisi M.Abdusalomov, O‘zbekiston Respublikasi Oliy Majlisi Senatining Tashqi siyosat masalalari qo‘mitasi raisi S.Safoyev, Inson huquqlari bo‘yicha O‘zbekiston Respublikasi Milliy markazi direktori A.Saidov, O‘zbekiston elektron ommaviy axborot vositalari milliy assotsiatsiyasi boshqaruvi raisi F.Abduxoliqov, “UzReport” axborot agentligi bosh direktori R.Jo‘rayev va boshqalar joriy yilning 4-dekabr kuni bo‘lib o‘tadigan O‘zbekiston Respublikasi Prezidenti saylovi yurtimizda huquqiy demokratik davlat va erkin fuqarolik jamiyati barpo etish, mamlakatimiz hayotining barcha sohalarini tubdan yangilash va modernizatsiya qilish borasida amalga oshirilgan islohotlarning ko‘zgusi ekanini, uni ochiq va oshkora, xalqaro standartlar darajasida tashkil qilishda ommaviy axborot vositalari muhim o‘rin tutishini alohida ta’kidladi. Saylovga tayyorgarlik ko‘rish va uni o‘tkazishning barcha bosqichlari haqida mamlakatimiz aholisi va xalqaro hamjamiyatni xabardor qilib borishda ommaviy axborot vositalari faol ishtirok etmoqda. O‘zbekiston Respublikasi Prezidenti saylovini yoritish bo‘yicha Respublika matbuot markazi va okrug saylov komissiyalari matbuot markazlarida jurnalistlar uchun zarur sharoitlar yaratilgan. Markaziy saylov komissiyasi va okrug saylov komissiyalarining majlislarida ommaviy axborot vositalari vakillari ishtirok etmoqda. Bundan tashqari, komissiyalar tomonidan ommaviy axborot vositalarining saylov jarayonini yoritishiga ko‘maklashish, jurnalistlarning bu boradagi bilim va ko‘nikmasini yanada mustahkamlash, tajribasini oshirish maqsadida turkum seminarlar, anjumanlar tashkil etilmoqda.  Saylov kampaniyasida ishtirok etayotgan milliy va xorijiy OAV vakillari uchun xalqaro standartlarga mos qulay infratuzilma va sharoitlar yaratish, interfaol media maydoni barpo etish hamda saylovga tayyorgarlik ko‘rish va o‘tkazish jarayonini yoritishda xolislik, oshkoralik va tezkorlikni ta’minlash, xalqaro kuzatuvchilar, ekspertlar va media soha vakillarini mamlakatimizda erishilgan yutuqlar bilan tanishtirish maqsadida O‘zbekiston elektron OAV milliy assotsiatsiyasi, “Uzbekistan Today” axborot agentligi, “Mening Yurtim”, “Uzreport-TV” telekanallari va boshqa tashkilotlar hamkorligida mamlakatimizda ilk bor “Press klub: Saylov.uz – 2016” press-klubi tashkil etildi. Press-klub o‘z multimedia maydonida xorijiy va milliy media soha vakillarini birlashtiradi. Bu yerda IT-texnologiya, dizayn va multimedia sohasidagi eng so‘nggi yutuqlardan foydalanilgan, yuqori tezlikdagi internet va Wi-Fi aloqasi, komputerlar, printerlar, telefonlar va boshqa ko‘p funksiyali qurilmalar o‘rnatilgan. Elektron ommaviy axborot vositalari milliy assotsiatsiyasi studiyalari va mamlakatimizdagi 10 hududiy nodavlat telestudiyalar bilan onlayn bog‘lanish, alohida uzatuvchi telestansiya o‘rnatiladigan Markaziy saylov komissiyasi matbuot markazi bilan bevosita onlayn aloqa yo‘lga qo‘yilgan. – O‘zbekistonda ommaviy axborot vositalari bilan hamkorlikda saylovga tayyorgarlik ko‘rish va uni o‘tkazishning barcha bosqichlari haqida jamoatchilikni xabardor qilish bo‘yicha katta tajriba to‘plangan, – deydi «Sinxua» axborot agentligi muxbiri Sha Dati (Xitoy). – Bunga saylov kampaniyasi davomida guvoh bo‘lmoqdamiz. Markaziy saylov komissiyasi va okrug saylov komissiyalari tomonidan matbuot anjumanlari va brifinglar onlayn tarzida tashkil etilayotgani barcha hududlardagi saylovchilarning faolligi oshishiga, muhim siyosiy tadbirga tayyorgarlik jarayonidan to‘laqonli xabardor bo‘lishiga imkoniyat yaratmoqda. Mazkur press-klubning ochilishi jurnalistlarning O‘zbekistondagi muhim siyosiy jarayon haqida yanada kengroq axborot olishi va saylov kampaniyasini samarali yoritishida muhim ahamiyat kasb etadi. Press-klubning samarali faoliyat olib borishi uchun siyosiy partiyalar, vazirlik va idoralar, fuqarolik jamiyati institutlari, xalqaro kuzatuvchilar ishtirokida brifinglar, matbuot anjumanlari va turkum tadbirlar tashkil etiladi. Press-klub dasturidan xalqaro kuzatuvchilar va xorijiy OAV vakillarini O‘zbekistonning an’anaviy madaniyati va san’ati bilan tanishtirishga qaratilgan madaniy tadbirlar ham o‘rin olgan. – O‘zbekiston Respublikasi Prezidenti sayloviga tayyorgarlik ko‘rish va uni o‘tkazish bo‘yicha asosiy tadbirlar dasturida saylovchilarning huquqiy madaniyatini yuksaltirishga alohida e’tibor qaratilgani diqqatga sazovor, – deydi “The Daily Ittihad” gazetasi muxbiri Muhammad Abbosxon (Pokiston). – Bunga Samarkand va Buxoro viloyatlarida saylovchilar bilan o‘tkazilgan uchrashuvlarni kuzatish jarayonida guvoh bo‘ldik. Aksariyat saylovchilar Prezidentlikka nomzodlarning saylovoldi dasturlari, ulardagi ustuvor yo‘nalishlardan yaxshi xabardor. Bu mamlakatingizda mazkur siyosiy jarayonga tashkiliy-huquqiy jihatdan puxta tayyorgarlik ko‘rilganidan dalolat beradi. Tadbirda mamlakatimizda saylovni yorituvchi ommaviy axborot vositalarining zamonaviy asosda faoliyat yuritishi uchun barcha sharoit yaratilgani, bunday loyihalar xorijiy kuzatuvchilar va OAV vakillarini bo‘lajak saylov jarayoni, shuningdek, davlat organlari va fuqarolik jamiyati institutlari faoliyati bilan tanishtirishda alohida ahamiyat kasb etishi qayd etildi. Matnazar Elmurodov, Muhammad Amin (surat),...
Batafsil →

Click to listen highlighted text! Powered By GSpeech