Welcome to ТГАУ   Click to listen highlighted text! Welcome to ТГАУ Powered By GSpeech

Yangiliklar va hodisalar

O'zbekiston yangiliklari

“Yosh mutaxassislar” IV Respublika forumi bo‘lib o‘tdi

O‘zbekiston kasaba uyushmalari Federatsiyasining “Yosh mutaxassislar” IV Respublika forumi bo‘lib o‘tdi 22—24-avgust kunlari O‘zbekiston kasaba uyushmalari Federatsiyasi tomonidan bir qator hamkor tashkilotlar ishtirokida “Yosh mutaxassislar” IV Respublika Forumi o‘tkazildi. Bu haqda O‘zbekiston kasaba uyushmalari Federatsiyasi Kengashi matbuot xizmati xabar bermoqda. Unda O‘zbekiston Respublikasi Prezidenti Devoni mutasaddilari, qator vazirlik va idoralar rahbarlari, mamlakat iqtisodiyotining turli tarmoqlarida mehnat qilib, o‘z innovatsion g‘oya va ishlanmalarini ilgari surib kelayotgan eng faol va tashabbuskor yosh mutaxassislar ishtirok etdi. Bu yilgi Forum avvalgi yillardagidan o‘z ko‘lami bilan keskin farq qildi. Forum doirasida 3 bosqichda “Yilning eng faol yosh mutaxassisi” tanlovi o‘tkazilib, uning quyi bosqichlarida 14 ta eng muhim yo‘nalish bo‘yicha 6 ming nafarga yaqin yosh mutaxassis qatnashdi. Tanlovning Respublika-tarmoq bosqichida esa 180 nafar yosh mutaxassis ishtirok etdi. Tanlovning barcha nominatsiyalari yosh mutaxassislarning qizg‘in bellashuvi ostida o‘tdi. Masalan, “Maksam-Chirchiq” AJ katalizator ishlab chiqarish sexi texnologi Arsen Aliyev taqdim etgan loyihaga ko‘ra, Rossiyadan keltirilayotgan metall katanka xomashyosi o‘rniga “O‘zkimyosanoat” korxonalarida ammiakni sintez qilish texnologiyasida ishlatilayotgan SA-SV katalizatori chiqindisidan foydalanish taklif etilgan. Mazkur loyihani amaliyotga tatbiq etish orqali ishlab chiqarishda zarur bo‘lgan maxsus katalizator olishda katta foyda olinishi kutilmoqda. Ya’ni, loyihani amaliyotga tatbiq etish natijasida 1 tonna mahsulot ishlab chiqarishda Rossiyadan keltirilayotgan xomashyo narxiga solishtirilganda, taxminan 3,0 million so‘m tejalib, yiliga 250 tonna mahsulot ishlab chiqarishda 750 million foyda olinadi. Mazkur Forum va uning doirasida o‘tkazilgan “Yilning eng faol yosh mutaxassisi” hamda “Eng yaxshi ishchi kasb egasi” tanlovlarida mamlakatda faoliyat ko‘rsatayotgan yosh mutaxassislarning yangi innovatsion g‘oya va ishlanmalari hamda ilmiy kashfiyotlari munosib rag‘batlantirilib, amaliyotga tatbiq etilishiga ko‘maklashildi. Forumning 2-kuni ishtirokchilar yosh mutaxassislar faoliyatiga oid ko‘rgazma bilan...
Batafsil →

Marrani baland olgan yoshlar

Odatda sportdagi natijalar haqida so‘z ketsa, qayd etilgan ko‘rsatkichlaru qo‘lga kiritilgan medallar tilga olinadi. To‘g‘ri, bular muhim. Lekin sportning ko‘rsatkichlar bilan o‘lchab bo‘lmaydigan, turli jadvallarda qayd qilinmaydigan jihatlari ham bor.  Bular – quvonch, tashvish, hayajon, milliy g‘urur, hamjihatlik, vatanparvarlik. Braziliya dunyoning narigi chekkasida. Yarim tun bo‘lishiga qaramay, hammamiz sportchilarimizning chiqishlarini hayajon bilan kuzatib bordik. Ularning kechinmalarini, nafas olishini, yurak urishlarini his etib turdik. Ularga qo‘shilib yig‘ladik, kuldik, quvondik. Ishda, ko‘chada, dasturxon atrofida suhbatlarning bosh mavzusi Olimpiada bo‘ldi. Internetdagi ijtimoiy tarmoqlarda sportchilarimizni sharaflovchi suratlar, havolalar tarqaldi. Medal qo‘lga kiritilganda, sportga aloqasi bo‘lsa-bo‘lmasa, hamma bir-birini tabrikladi. Bu nimadan dalolat? Xalqimizning birligidan, hamjihatligidan. Milliy g‘urur, Vatan hissi, daxldorlik tuyg‘usi yuqoriligidan. Odamlarimiz vatanparvarman deb ko‘kragiga urmaydi, fuqarolik pozitsiyasi haqida balandparvoz gaplarni gapirmaydi. Lekin o‘zbek o‘g‘loni, O‘zbekiston farzandi maydonga chiqqanda yuragini hovuchlab turadi. Muvaffaqiyatga erishganida osmonga sapchiydi. Madhiyamiz yangraganida ko‘zlarida quvonch yoshlari qalqiydi. Nima uchun? Chunki hammamiz O‘zbekistonni yaxshi ko‘ramiz. Uning rivojlanishini, hammadan zo‘r bo‘lishini istaymiz. Yurtdoshlarimizning har bir yutug‘ini o‘zimiznikidek qabul qilamiz. Prezidentimiz sportni yaxshi ko‘radi, sportchilarni qadrlaydi. Shu bois O‘zbekiston shoshma-shosharlik qilmadi. Ayrim davlatlarga o‘xshab soxta obro‘ ortidan quvmadi. Avval asos yaratdi, tag zaminni puxta qildi. Bolalar sportini rivojlantirdi. Murabbiy va sportchilar mahoratini oshirishga e’tibor qaratdi. Buning uchun zamonaviy shart-sharoit yaratdi. Shunday sharoitlarda shug‘ullangan bolalar bugun voyaga yetdi. Prezidentimiz avvaldan ko‘ra bilgan va ishonib kutgan natijalar bo‘y ko‘rsata boshladi. E’tibor bering: bu yilgi Olimpiya o‘yinlarida g‘olib va sovrindor bo‘lgan sportchilarimizning deyarli barchasi mustaqillik yillarida tug‘ilib o‘sgan, qishloq tumanlarida voyaga yetgan yoshlar. Olimpiadada sportchilarimiz qayd etgan natijalar go‘yoki aysbergning yuza qismi. Uning tagida undan bir necha barobar katta tog‘ bor. Bu – O‘zbekiston sportining mustahkam poydevori, ulkan salohiyati, zaxirasi. Tasavvur qiling: Olimpiya o‘yinlarida qatnashgan sportchilarimiz o‘rtacha 21-22 yoshda. Ular navbatdagi Olimpiadalarga tajribali, yanada mahoratli bo‘lib boradi. Bundan tashqari, ularning ortidan qanchadan-qancha yoshlar yetishib chiqmoqda. Mamlakatimizdagi minglab sport majmualarida o‘g‘il-qizlar sport bilan muntazam shug‘ullanib, professional sportga kirib kelmoqda. Ular ko‘zlari yonib turgan, o‘z kuchiga ishongan, Prezidentimiz aytganidek, marrani baland olgan yoshlar. Endi bu avlodni to‘xtatib bo‘lmaydi. Ular barcha sohalarda ulkan yutuqlarni qo‘lga kiritib, xalqimizni xursand qilaveradi. Xalqimiz muxlislik va vatanparvarlik bobida dunyoda birinchi. Anvar Samadov,...
Batafsil →

XXXI yozgi Olimpiya o‘yinlari boshlandi

5-avgust kuni Braziliyaning Rio-de-Janeyro shahrida XXXI yozgi Olimpiya o‘yinlarining tantanali ochilish marosimi bo‘ldi XXXI yozgi Olimpiya o‘yinlarining tantanali ochilish marosimi Rio-de-Janeyro shahridagi “Marakana” stadionida bo‘lib o‘tdi. Tantanavor bezatilgan stadionda Braziliyaning o‘ziga xos tarixi, milliy an’analari, teatrlashtirilgan sahna ko‘rinishlari va san’at ustalarining chiqishlari namoyish etildi. An’anaga binoan maydonga birinchi bo‘lib Gretsiya sportchilari kirib keladi. Olimpiada Vatani vakillaridan so‘ng to‘rt yillikning eng yirik sport bayramida ishtirok etayotgan davlatlar terma jamoalariga navbat beriladi… …O‘zbekiston Respublikasi Davlat bayrog‘ini baland tutgan mashhur sportchimiz – boks bo‘yicha jahon chempionati sovrindori Bahodir Jalolov stadionga kirib keladi. O‘zbekiston sport delegatsiyasi a’zolarini muxlislar qizg‘in olqishlar bilan kutib oladi. O‘zbekiston sportchilari akademik eshkak eshish, badiiy gimnastika, baydarka va kanoeda eshkak eshish, boks, dzyudo, yengil atletika, og‘ir atletika, sport gimnastikasi, stol tennisi, suzish, taekvondo (WTF), tennis, trampolin, o‘q otish, erkin va yunon-rum kurashi bo‘yicha o‘tkaziladigan bellashuvlarda ishtirok etadi. Davlatimiz rahbarining 2013-yil 25-fevraldagi “O‘zbekiston sportchilarini 2016-yilda Rio-de-Janeyro shahrida (Braziliya) bo‘lib o‘tadigan XXXI yozgi Olimpiya va XV Paralimpiya o‘yinlariga tayyorlash to‘g‘risida”gi qaroriga muvofiq sportchilarimizning mahorati va tajribasini oshirishi uchun xalqaro maydondagi nufuzli musobaqalarda qatnashish, xorijiy davlatlarda va yurtimizda o‘quv-mashg‘ulot yig‘inlari o‘tkazish uchun zarur shart-sharoit yaratildi. Sportchilarimiz Olimpiya o‘yinlariga saralash vazifasini o‘tagan turli nufuzli musobaqalarda ishtirok etib, yuqori natijalarga erishdi. XXXI yozgi Olimpiadagacha bo‘lgan davr – so‘nggi to‘rt yil Vatanimizning sport salohiyati yuksalib borayotganini, xalqaro maydonlarda munosib ishtirok etadigan iqtidorli sportchilar avlodi voyaga yetayotganini ko‘rsatdi. Bu jihatlar Janubiy Koreyaning Incheon shahrida o‘tgan XVII Osiyo o‘yinlarida, Xitoyning Nankin shahri mezbonlik qilgan II o‘smirlar Olimpiadasida, boks, erkin va yunon-rum kurashi, og‘ir atletika, dzyudo, taekvondo (WTF), badiiy gimnastika kabi qator sport turlari bo‘yicha jahon va qit’a chempionatlarida, nufuzli turnirlarda mamlakatimiz sportchilarining qo‘lga kiritgan yuksak g‘alabalarida yaqqol namoyon bo‘ldi. Sportchilarimiz 2015-yilning o‘zida xalqaro maydonlarda 311 oltin, 274 kumush, 276 bronza, jami 861 medalni qo‘lga kiritdi. Prezidentimizning 2016-yil 12-iyuldagi O‘zbekiston Respublikasi sportchilarining 2016-yilda Rio-de-Janeyro shahrida (Braziliya) bo‘lib o‘tadigan XXXI yozgi Olimpiya va XV Paralimpiya o‘yinlariga tayyorgarligi va ishtiroki to‘g‘risidagi qaroriga asosan, Olimpiya va Paralimpiya o‘yinlari g‘olib va sovrindorlari – O‘zbekiston sportchilarini munosib rag‘batlantirish, ularning Vatanimiz sporti shon-shuhratini oshirishga qo‘shgan munosib hissasini taqdirlash maqsadida mukofotlar belgilandi. …Marakana” stadionida ikki yuzdan ziyod mamlakat jamoalari saf tortadi. Olimpiada madhiyasi yangrab, XXXI yozgi Olimpiya o‘yinlari bayrog‘i ko‘tariladi. Olimpiya o‘yinlarining vatani – Olimpiya shahrida quyosh nurlaridan alanga oldirilgan mash’ala stadionga olib kiriladi. XXXI Olimpiya o‘yinlari boshlandi. Nufuzli musobaqada olimpiyachilar sportning o‘ttizdan ortiq turi bo‘yicha 306 medallar jamlanmasi uchun kurash olib boradi. O‘zbekiston sportchilarining yozgi Olimpiya o‘yinlaridan hamisha medallar bilan qaytishi an’anaga aylangan. Bu yilgi XXXI yozgi Olimpiya o‘yinlari Vatanimiz mustaqilligining 25-yilligi arafasida o‘tmoqda. Sportchilarimiz bu yilgi Olimpiya va Paralimpiya o‘yinlarida “Go‘zal va betakrorimsan, muqaddas Vatanim, jonim senga fido, O‘zbekistonim!” degan shiorni qalbiga jo qilib, bo‘lajak bellashuvlarda yuksak natijalarni qo‘lga kiritishga va eng ulug‘, eng aziz bayramimizga munosib tuhfa bilan qaytishga ahd qilgan. Bayram Aytmurodov,...
Batafsil →

Click to listen highlighted text! Powered By GSpeech